Mevâlî-yi Devriyye'den sâbıkā Filibe Kadısı Perdeci Hasan Efendi emedd-i medîd dil-bend-i ümmîd olduğu Mahrec Mevleviyyeti'ne saʿy-i cedîd edüp, cidd ü saʿyi müsmir ve Mahrec'e mûsıl olmak üzere gurre-i Rebîʿulâhır'dan Haleb Mevleviyyeti ile müftehır oldu. Erzurum Vâlîsi Vezîr es-Seyyid Ahmed Paşa-oğlu ʿAlâʾeddîn Bey'i dâhil-i defter-i Emîrü'l-ümerâ etmek bâbında dâmen-gîr-i ilticâ olup, niyâzı karîn-i müsâʿade-i hazret-i Cihân-bânî ve şehr-i mezkûrda mahdûmuna Rütbe-i Mîr-i mîrânî erzânî kılındı.