Bir müddetden berü Dîvân-ı hümâyûn'da Çavuş-başı olan ʿİzzet Paşa-zâde Saʿîd Beyefendi eğerçi ʿiffet ile maʿrûf ve hüsn-i hulk ile mevsûf olup, ancak hidmet-i mezkûre levâzımından olan cerbeze ve kuvvet-i müdâfaʿadan hâlî olduğu maʿlûm-i Sadr-ı ʿâlî olup, işbu Cumâdelâhıre'nin on ikinci günü mîr-i mûmâ ileyh maʿzûl ve sâbıkā Tevkīʿî olan ʿOsmân Efendi Çavuş-başılık ile nâyil-i eʿazz-i me'mûl oldu.