İşbu Şevvâlü'l-mükerremin dördüncü Çehârşenbih günü tevcîhât vukūʿ bulup, ʿumûmen kapu ricâli ve defterdârân ibkā olunup, Nişancılık vaʿd-i sâbıka binâ'en Rumeli Ordusu Nâzırı İsmâʿîl ʿİsmetî Efendi'ye; Defter Emâneti, Şerbetci dâmâdına ve sâyir menâsıb dahi erbâbına tevcîh ve vüzerây-ı ʿizâm hazerâtının dahi ekserîsi mansıblarında takrîr olunup, Çirmen Mutasarrıfı Hüseyin Paşa'ya Rütbe-i Vezâret verildi. Haleb'de sâdât ile Yeniçeriyân miyânında tekevvün eden fiten ü fesâd, Haleb'in Vâlî'den huluvvüne isnâd olduğuna binâ'en, [Ü2 198b] şimdilik İç-il Mutasarrıfı Dervîş Hasan Paşa, Haleb'e Kāyim-makām nasb olunup, İç-il Sancağı ber-vech-i arpalık Hanya Muhâfızı Vezîr Nasûh Paşa'ya ve Hanya, Mîr-i mîrân'dan Hâfız Ahmed Paşa'ya tevcîh olundu.