Yeniçeri Ağası Tokādî Mustafa Ağa beş seneye karîb Ağalık edüp, kesb-i mâl-i firâvân eylediğine ʿadem-i kanāʿat ile “Hel min mezîd?” nidâlarıyla [Ü1 170a] kolluklar tebdîli ve bî-vakt serhadd ağalarının ʿazli gibi umûra tesaddî ve ricâl-i Ocağ'a tamaʿa mebnî te'addî eylediği, mesmûʿ-ı hazret-i Tâc-dârî olup, işbu Cumâdelûlâ'nın yirmi dördüncü Salı günü mûmâ ileyh ʿazl olunup, Kul Kethudâsı olan Eyyûb Ağa, Yeniçeri Ağalığı'yla mesrûr ve Zağarcı-başı bulunan Karslı Mehmed Ağa, Kul Kethudâlığı'yla nâyil-i etemm-ı hubûr olup, Seksoncu-başı Hasan Ağa, Zağarcı-başı ve Turnacı-başı Şehrî Mehmed Ağa, Seksoncu-başı ve Muhzır bulunan Seyyid Mehmed Ağa, Turnacı-başı nasb olundu.