Şehâbeddîn Paşa tevliyyetine mutasarrıf sâbıkā Kilâr Kethudâsı Seyyid Mustafa Ağa rızk-ı maksûmunu itmâm ve sûy-i âhirete ʿatf-ı zimâm etmekden nâşî, Çukadâr Ağa olan İznikmidî Ahmed Ağa tevliyyet-i merkūme ile çerâğ ü ihyâ ve Çukadâr Ağalık hıdmet-i şerîfesi Rikâbdâr Hasan Ağa'ya revâ görülüp, anın yeriyle Dülbend Ağası Saʿîd Ağa'nın tâliʿi isʿâd ve Rikâbdâr Ağalık hıdmetiyle ber-murâd olup, Miftâh Ağası Müezzin-başı Halîl Ağa, Dülbend Ağalığı'yla ser-mahfil-i ʿizz ü rifʿat ve Pîşgîr Ağası İbrâhîm Ağa, Miftâh Ağalığı'yla feth-i kilîd-i meserret ve Ser-destârî Ahmed Ağa, Pîşgîr Ağalığı'yla ser-süfre-i niʿmet-i ferhat ve Seferli'den Hâfız Yûsuf Ağa hakkında dahi lutf-i [Ü1 165a] Şâhâne taʿmîm ve Sarıkçı-başılık ile dest-nevâzende-i tekrîm kılındı.