Bi'l-fi'l Anadolu Muhâsebeciliği ile Nemçe sefâretine me'mûr İbrâhîm Efendi Beç'e varup, ibtidâ Baş-vekîl ile mülâkāt ve mektûb-ı hazret-i Sadâret-penâhî'yi iʿtâ ile icrây-ı resm-i müvâlât ve işbu Rebîʿulevvel'in on beşinci günü İmperator'a olan nâme-i hümâyûn iblâğ olunmak husûsu karâr-gîr olduğuna binâ'en, yevm-i mezkûrda alay ile İmperator olduğu mahalle ʿazîmet ve üst kürkü ve mücevveze ile tebdîl-i hey'et edüp, İmprator nâme-i hümâyûnu der-dest-i iclâl müşâhede eylediği hâlde, vasat-ı Dîvân-hâne'den istikbâl ve tarafeynden muʿtâd olan su'âl ü cevâb ʿakabinde âmâde kılınan [Ü2 178b] hânesine ʿavdet ile îfây-ı me'mûriyyete iştigāl eylediğini bu defʿa firistâde eylediği bir kıtʿa mektûbuyla ifâde eyledi.