Şehr-i mezkûrun on altıncı günü Tersâne-i ʿâmire'de vâkiʿ zahîre enbârlarının birinden âteş-i pür-dûd ʿalev-efşân-ı şühûd ve birbirine sirâyet ile dört enbâr muhterik u nâbûd olup, itfâsına teşmîr-i dâmen-i ihtimâm eden zâbitân ve neferâtın saʿy ü ikdâmları manzûr-ı Pâdişâh-ı kesîrü'l-inʿâm olduğuna binâ'en, miyânelerinde iktisâm olunmak içün otuz orta Yeniçeri'ye [Ü1 164b] beş bin guruş ihsân buyurduklarından gayri, ferdâsı sûzân olan mekâna teveccüh ve mevcûd olan tulumbacıları beş yüz altûn inʿâmıyla nâyil-i bülga-i tevessüʿ ü tereffüh buyurdular.