Bostâncı-başı Mustafa Ağa'nın zabt u rabt husûsunda saʿy ü ikdâmı ber-vefk-ı meʾmûl ve hıdmeti her hâlde pesendîde vü makbûl olup, ancak istitâle-i vakti makāmına bülüğ arzûsunda olanlara mûcib-i ye's ü hirmân olduğundan başka, tefennün fi'l-hıdme kasdıyla taşra hıdmetlerinde dahi bir müddet istihdâm olunması havâlî-kerd-i zamîr-i Hâkān-ı zemân olmağla, Saferü'l-hayrın on ikinci günü Kapucu-başılık ihsânıyla Bostâncı-başılık'dan ʿazl olunup, Hasekî Ağa bulunan İbrâhîm Ağa, Bostancı-başı ve Tebdîl Hasekîsi İsmâʿîl Ağa, Hasekî Ağa nasb ü taʿyîn ve dûş-i istihkākları hilaʿ-i fâhire ile tezyîn olundu.