Rûsiyye İmperatoriçesi hâlik ve yerine oğlu mâlik olmak hasebiyle, Âsitâne'de olan elçisini kemâ-kân ibkā eylediğini şâmil nâmesini [Ü1 153a] elçi-yi mesfûr Dîvân-ı ʿâlî'de resmen iʿtâ etmek ilticâsında olduğundan, işbu Zilkaʿde'nin on ikinci Salı günü tertîb olunan Dîvân-ı şâmihu'l-erkân'da elçi-yi mesfûr ʿatebe-i ʿulyâya vazʿ-ı cebhe-i zarâʿat ve nâmesini takdîm ile mekânına ʿavdet eyledi.