Kazây-ı Haleb ile bundan akdem nâyil-i matlab olan Hammâmî-zâde Mehmed Râşid Efendi'nin hükûmeti, ihtilâl-i belde vaktine müsâdefe edüp, sermâye-i dâd ü sitedi ʿâtıl ve karîben izâr-ı iflâsa mütereffil olacağını istiʿfâ sûretinde ifâdeden başka, Haleb'de mukīm tâ'ife-i Efrenc dahi mûmâ ileyhden [Ü1 148b] bess-i şekvâ ve ʿazlini istidʿâ etmeleriyle, kısar-ı müddet ile Âsitâne'ye ricʿât eylemesi bâbında taraf-ı Fetvâ-penâhî'den mektûb tahrîr ve Haleb Kazâsı'na Receb'in on altıncı günü mutasarrıf olmak üzere Zaʿferân-borlu ʿOsmân Efendi tahyîr olundu.