Françe Elçisi takdîm eyleyeceği hediyyenin bahran vusûl bulduğunu beyân ve ʿarzını istîzân eylediğine binâ'en, beş on gün mukaddem Bâb-ı ʿâlî'ye ve işbu Receb'in on sekizinci Salı günü tertîb olunan [Ü2 160b] Dîvân-ı bülend-erkâna gelüp, takbîl-i ʿarz ile nâme ve hediyyesini ʿarz eyledi. Selefi olan elçi, cumhûr tarafına ʿazîmete teheyyü' ile Kapudan Paşa ve baʿdehû Sadrıaʿzam hazerâtına vedâ içün vardıkda, cumhûr ile dost olan düvelden birer bandıra alınup: "Devlet-i ʿaliyye dahi Paris Dîvân-hânesi'ne taʿlîk olunmak içün bir bandıra ihsân buyursalar, Françe tâyifesinin sebeb-i iftihârı ve bâʿis-i tezâyüd ü iʿtibârı olur” deyü tekrîr-i recâ ve mes'ûlüne müsâʿade husūsu lâzım gelanler ile mülâhaza olunup, havâtır-ı ekâbire bir mahzûr hutûr etmediğinden, câmfes bir bandıra yapdırılup, mesfûra iʿtâ olundu.