Beher sene Sultân Ahmed Câmiʿ-i şerîf'inde mefhar-ı enbiyâ ve sened-i asfiyâ ʿaleyhi efdalü't-tehâyâ hazretlerinin behcet-serây-ı ʿâleme kudûmlarını mutazammın manzûme-i meşhûrenin kırâ'ati muʿtâd olduğuna binâ'en, Şehriyâr-ı İskender-vekār dâme mahfûfen bi-ʿavârifi's-Settâr mevlid alayına mahsûs debdebe-i Mülûkâne ile câmiʿ-i şerîfi teşrîf ve mukaddemce muntazır-ı kudûm-ı Hıdîvî'leri olan Sadrıaʿzam ve Şeyhulislâm ve Kapudan Paşa hazerâtını ve sudûr-ı kirâm [Ü1 139b] ve sâyir erkân-ı Saltanat'ı arz-ı dîdâr-ı meymenet-âsârlarıyla taltîf ʿakabinde mevlid-hânlar leb-i edeb ve lahn-i ʿArab üzere Mevlid-i şerîf kırâ'atine şurûʿ ve o meclis-i hatîrde sütûʿ eden envâr-ı rûhâniyyet-i Seyyidü'l-mürselîn ziyâ-pâş-ı kulûb-ı mü'minîn olup, baʿdehû Padişâh-ı dil-âgâh Serây-ı dilârây-ı Husrevâne'lerine tahrîk-i rikâb-ı rücûʿ buyurdular.