Bundan akdem Françe cumhûru tarafından Âsitâne-i saʿâdet'e gelan Orta Elçi resmen Bâb-ı ʿâlî'ye gelüp, hediyye-i muʿtâdeleri berren vürûd eyleyeceğini taʿrîf eylediğinden, Dîvân-ı ʿâlî'ye rû-mâl olunması, hediyyesi vusûlüne tevkīf olunmuşidi. Zemân meksi temâdîyi kabûl ve bilâ-hediyye ʿatebe-i Cihân-dârî'ye ruhsat-yâb-ı müsûl olması bâbında dest-bâz-ı niyâz ve sabıklarda olduğu gibi bilâ-hediyye işbu Şevvâl'in on sekizinci Salı günü tertib olunan Dîvân-ı hümâyûn'da ruh-sây-ı ʿatebe-i Şehriyâr-ı ʿâlem-nevâz oldu.