Topçu Ocağı mürettebâtından harîk tulumbalarını idâre eden tulumbacıların, kable'n-nizâm beher sene oda-başılarını tekāʿüd mahlûlâtından yirmi akça ile ağaları tekāʿüd eyledikleri hasebiyle, neferât-ı mezbûrenin hey’et-i asliyyeleriyle nizâm-ı sâbıklarına riʿâyet ve hâlleri üzere ibkā olunmak kānûn-nâmede tasrîh olunmuşidi. Fîmâ-baʿd Topçu neferâtına gümrükden verilan tekāʿüd misillü bunlara dahi senede bir defʿa ve yâhûd iki senede bir defʿa gümrükden tekāʿüdlük iʿtâsı baʿde'l-istîzân sudûr eden emr-i hümâyûn mûcebince Tulumbacı Oda-başısı olanlara iki senede bir defʿa Nâzır ve Ağa ʿarzları ve ru'ûs-i hümâyûn ile gümrükden [Ü1 94a] yirmi akça tekāʿüdlük iʿtâ olunmak ve münhall olan yirmi beş akça Oda-başı yevmiyyesi dahi, içlerinden maktûʿ esâmîye mutasarrıf ʿatîkına tevcîh ve bâ-silsile hâlî kalan on beş akça nefer yevmiyyesi ile dahi, müceddeden nefer tahrîri nizâm ve bu mâdde dahi bu vechile hıtâm buldu.