Dergâh-ı ʿâlî Kapucu-başlarından Kassâb-başı bulunan ʿOsmân Ağa bir Türk-i sütürg olup, tefevvüh eylediği sohbetin gāyeti nereye varacağını bilmeyüp, mecâlis ü mehâfilde hefevât ü ʿaserâtı külle yevm teceddüd ve müteʿahhid olduğu lahm mâddesinde mûmâ ileyhe iʿânet-i devlet ber-vech-i tezâyüd olup, istikāmetle umûruna tekayyüd lâzım iken, kusûr u tehâvünü teʿavvüd hakkında âteş-i gazabı tevakkud edüp, işbu Ramazân-ı şerîf'de Kassâb [Ü1 68b] -başılık'dan ʿazl ile tenkîb ve Bozca-ada'ya bi-tarîkı'n-nefy tagrîb olunmuşiken, Ereğli Sâhası'nda Kapucu-başı ʿAlî Ağa maʿrifetiyle inşâ olunan sefîneyi tekmîl mukābilinde tahliye-i sebîl olunmasını Kapudân-ı deryâ Vezîr Hüseyin Paşa'ya recâ ve müşârun ileyh tarafından Bâb-ı ʿâlî'ye inhâ ile kayd-ı gurbetden rehâ bulup, Kassâb-başılık Selânikî Hasan Ağa'ya kemâ-kân tevcîh ve hisâbları ber-vech-i taʿdîl ruʾyet olunmak tenbîh olundu.