Dimetoka Aʿyânı Veys-oğlu Halîl ve İştib Aʿyânı Turkullu-oğlu (طورقللی اوغلی) Mehmed ve Edirne Aʿyânı Eyyûb ve Gümülcine Aʿyânı Mestân, dağlu eşkıyâsına hevâdâr oldukları, Rumeli Vâlîsi tarafından tahkīk ve pelâs-pâre-i hayâtları temzîk olunup, sâyir ruʾûs-i eşkıyâ ile arabalara mahmûlen Âsitâne-i saʿâdet'e vâsıl ve meydân-ı mezellete ilkā ile tahvîf-i erâzil kılındı. Muhallefâtları zabtı içün mübâşirler meʾmûr ve ketm ü ihfâdan tevakkī olunmak bâbında hükkâm-ı etrâfa evâmir-i Cihân-mutâʿ şeref-rîz-i sudûr oldu.