Meşâyih-ı Halvetiyye'den olup, bir zemândan berü ceddi [Ü1 67a] Ümmî Sinân Zâviyesi'nde post-nişîn-i irşâd olan eş-Şeyh Hasan Efendi ve Ayasofya Şeyhı Mehmed Saʿîd Efendi birbirini müteʿâkıb dâr-ı âhırete zâhib ve Ümmî Sinân nesli, şeyh-ı mezkûrda münkatıʿ olmak haysiyyeti ile tarîk-ı Halvetiyye'den eş-Şeyh Mustafa Efendi meşîhat-ı mezkûreye münâsib görülüp, Ayasofya meşîhati dahi tarîkleri üzere Sultân Ahmed Şeyhı Bozoklu Mehmed Efendi'ye ve Sultân Ahmed meşîhati ser-hayl-i gürûh-ı Mardin olan Şeyh Halîl Efendi'ye ve sâyir meşîhatler dahi tertîb üzere erbâb-ı tarîka tevfîz olunup, zeyl hâlî kaldığına binâ'en, Mehd-i ʿulyâ hazretlerinin evkāf-ı şerîfeleri mülhakātından olan câmiʿ-i şerîf meşîhati zeyl iʿtibârıyla ʿAbdülkādir Efendi'ye tevcîh olundu.