Bir sene mikdârı Defterdâr olan Mehmed Emîn Efendi ʿillet-i herem ve inhitât-ı sinn ile ʿakd-i sebʿîne mütenâhiz ve bu takrîb umûr-ı istîfâda ʿâciz olup, şehr-i Ramazân'ın ikinci günü mûmâ ileyh makām-ı Defterî'den dûr ve Hubûbât Nâzırı olan el-Hâc İbrâhîm Efendi kemâ-kân Defterdârlık ile mesrûr olup, münhall olan Hubûbât Nezâreti, ʿAzmî Ahmed Efendi'ye tevcîh ü ihsân ve maʿzûl-i mûmâ ileyh [Ü2 70a] hânesinde ikāmetle duʿây-ı devâm-ı Pâdişâhî'ye müvâzabet eylemesi fermân olundu.