Mîr-i mîrân'dan Seyyid Yûsuf Paşa ile makāmında Akşehir Sancağı'na nâyil olan Küçük ʿAlî-zâde Halîl Paşa muʿâraza vü münâfeseden hâlî olmayup, Akşehir'e ʿadem-i kanâʿatle Adana tevcîhi bâbında dest-bâz-ı taleb ve fîmâ-baʿd ahadühümâda tekarruru nezd-i devletde gayr-i müstasveb olduğuna binâʾen, işbu Şaʿbân'ın yirmi sekizinci günü Adana Eyâleti, İsmâʿîl muhâfazasında olan Mehmed Paşa'ya ve üzerinde olan Niğde, Yûsuf Paşa'ya tevcîh olunup, hifz-ı kalʿada Mehmed Paşa'dan ser-zede-i zuhûr olan ihtimâm, bâʿis-i temevvüc-i inʿâm-ı Şehriyâr-ı enâm olup, şehriyye beşer yüz guruş ihsânıyla mûmâ ileyh makzıyyü'l-merâm kılındı.