Mahall-i mezkûrda vâkiʿ Mevlevî-hâne kulûb-ı sitem-dîdegân-ı rüzgâr gibi muhtâc-ı taʿmîr olduğu, [Ü2 35a] Şeyhi tarafından birkaç defʿa takrîr olunup, ʿiffetlü, ʿismetlü Vâlide Sultân-ı ʿaliyyetü'ş-şân hazretleri tarafından taʿmîri irâde olunup, dest-yârî-i mühre-i sunnâʿ ile makām-ı mezkûr müddet-i yesîrede ahsen-i vechile maʿmûr olduğundan gayri, sâhibleri irzâ olunarak etrâfından baʿzı mahaller iştirâsıyla dâ'iresine vüsʿat ve büyûtuna kesret verilüp, semâʿa ibtidâ olunan rûz-i fîrûzda müşârun ileyhâ hazretleri tarafından fukarâ vü zuʿafâ mazhar-ı sılât u ʿatâyâ kılındı.