Karaman Vâlîsi Vezîr ʿAli Paşa dâyiresi halkının kesretinden ve başında olan haşerâtın cemʿiyyet ü vefretinden bahs ile muhtâc-ı ʿilâve olduğunu pey-der-pey ʿarz u ifâde ve Adana Beylerbeyisi Yûsuf Paşa'ya mülhakan tevcîh olunuran İç-il Sancağı'nın tarafına tevcîh [Ü1 26a] buyurulmasını niyâz ü irâde edüp, recâsı karîn-i müsâʿade olmağla, mâh-ı mezkûrun on dokuzuncu günü İç-il Sancağı, müşârun ileyhe ber-vech-i ilhâk tevcîh olunup, ol bâbda lâzım gelan emr-i celîlü'ş-şân tarafına firistâde olundu.