Sinîn-i sâlifeye mukāyese ile mekâyid-i lüsûs-ı bahriyyeden Ak-deniz'i muhârese, de'b-i dîrîn-i Saltanat-ı ebed-karîn olduğuna binâ'en, işbu Zilkaʿde'nin on altıncı Pençşenbih günü Kapudân-ı deryâ Vezîr Hüseyin Paşa hazretleri alay gösterüp, Yalı Köşkü'nde ruh-sây-ı hâk-i kadem-i hazret-i Tâc-dârî ve telebbüs-i ferve-i semmûr ile pâ-nihâde-i kasr-ı kâm-kârî olup, maʿiyyetinde olan kapudanlar dahi hilʿa-i fâhire ile rehîn-i mesârr ve Beşiktaş pîşgâhına [Ü2 26b] lenger-endâz-ı istikrâr ve birkaç gün zarfında tekmîl-i noksân ve tetmîm-i în ü ân ʿakabinde Bahr-i sefîd cânibine tahrîk-i sükkân eylediler.