Devlet-i ʿaliyye'den düvel-i Nasârâ'ya ikāmet elçileri irsâlinde olan fevâyid-i mülkiyye cild-i evvelde tahrîr olunmuşidi. Prusya ve Nemçe taraflarına bu defʿa birer elçi intihâb ve irsâl olunmak istısvâb olunmağla, sâbıkā Kethudâ Kâtibi olup, bu defʿa bi'l-fiʿl Anadolu Muhâsebecisi olan İbrâhîm ʿAfîf Efendi Nemçe tarafına ve sâbıkā Belgrad Defterdârı olan Giridî ʿAli Efendi Prusya'ya elçi nasb ü taʿyîn ve dûş-ı istihkākları hilʿat-i seniyye ile tezyîn olundu.