Adana Eyâleti ber-vech-i ilhâk bir müddetden berü Silistre Vâlîsi Vezîr Ferhâd Paşa tasarrufunda olup, eyâlet-i mezkûre memerr-i hüccâc ve etrâfı mesken-i ehl-i şikāk u lecâc olduğuna binâʾen, Vâlî'den hâlî kalması münâsib görülmeyüp, binâʾen ʿaleyh işbu Şaʿbân-ı şerîf'in onuncu günü zikr olunan eyâlet, İç-il Sancağı Mutasarrıfı Mîr-i mîrân'dan Yûsuf Paşa'ya mülhakan tevcîh ü ʿinâyet ve İç-il'e Mütesellim bırakup, kendisi bi'n-nefs Adana'ya varup, defʿ-i fesâd-ı eşrâr ve emn-i tarîk-i züvvâr ü tüccâr esbâbını istihsâle sarf-ı iktidâr eylemek bâbında, tarafına hıtâben irsâl-i emr-i celîlü'l-mikdâr kılındı.