Bin iki yüz on senesi Rebîʿulevvel'inde zabt eylemek üzere Şâm-ı şerîf, Müftî-zâde Selîm Efendi'ye ve Selânik, Hamîdî Mustafa Efendi'ye ve Yenişehir, Kevâkibî-zâde Abdülbakī Efendi'ye ve İzmir, ʿÖmer Kethudâ-zâde Mehmed Emîn Efendi'ye evâyil-i Şa'bân'da tevcîh olunup, Kal'a Halîfesi-zâde Hamdullah Efendi'nin Müftî-zâde'ye [Ü2 17a] kıdem-i tarîk cihetiyle rüchâniyyeti ve 'ilm ü maʿrifet sebebi ile kemâl-i meziyyeti olup, [Ü1 16b] bu makūle sâhib-i behre üzerine tafra lâyık görülmeyüp, Zilhicce gurresinden mûmâ ileyhe Edirne Pâyesi tahsîs ve kayd-ı tekaddümden tahlîs olundu.