Anadolu Muhâsebecisi ve Vakʿa-nüvîs olan Enverî el-Hâcc Saʿdullâh Efendi ʿilm ü maʿrifetde yegâne ve sıdk u istikāmetde müfred-i zemâne olup, ahdâs-ı nâs, kemâl ü hünerine hased ve merâtib-i ʿulyâ idâresinde ʿaczini neşr ile derîce-i emelini sedd eylediklerinden, dâʾimâ magmûm ve halîde-pây-ı matmûre-i hümûm olup, hücûm-i ekdâr u melâl müʾessir ve gayret-i emsâl ü akrân bi't-tabʿ mûcib-i renciş-i hâtır olduğuna nazaran, tehallüf-i maksad ü ereb ve ʿâkıbet ʿillet-i vücûduna sebeb olmağla, birkaç gün zânû-zede-i visâde-i bîmârî ve şehr-i merkūmun on üçüncü Pençşenbih günü vâsıl-ı rahmet-i Kird-gârî olup, münhall olan Anadolu Muhâsebeciliği ile Berber-başı ʿAlî Efendi mesrûr ve Vakʿa-nüvîslik hıdmetiyle Nûrî Halîl Bey me'mûr oldu.