Hâlâ Gümrük Emîni olan Selânikî Seyyid Mustafa Bey ʿakl ü dirâyetle maʿrûf ve servet ü tüvân-gerî ile mevsûf olup, Vezâret'e liyâkati ve ru'yet-i umûr-ı müşkil ü düşvârda kudreti zâhir olup, li-ecli'l-istiʿdâd mirkāt-ı mahrec-i Vezâret'e mukaddemce isʿâd olunması menvî-yi zamîr-i sadr-ı nîk-tedbîr olduğuna binâʾen, işbu şehr-i Rebîʿulâhır evâʾilinde Genc ʿOsmân Ağa, Çavuş-başılık'dan ʿazl ve mîr-i mûmâ ileyh vasl olundu.