Tersâne-i ʿâmire'de sigar-ı sinninden berü istihdâm olunarak iktisâb-ı dest-mâye-i nâm u şân ve Cezâyirli Hasan Paşa'dan sonra Mîr-i mîrân ve baʿdehû Vezâret'le deryâya Kapudan olup, Kara-deniz muhârebelerinde metânet ü şecâʿati bedîdâr ve kalyoncu haşerâtını zabt u rabtda ve umûr-ı Tersâne'yi idârede rüşd ü reviyyeti âşikâr olan Giridî Hüseyin Paşa, bundan akdem Deryâ Kapudanlığı'ndan maʿzûl ü maskat-ı re'si olan Girid Eyâleti'yle nâ'il-i eʿazz-i me'mûl olup, bir müddetden sonra Trablusşâm Eyâleti'ne nâ'il ve Cerde hıdmetini gördükden sonra, bâlâda tahrîr olunduğu vech üzere rahmet-i Hakk'a vâsıl olup, eyâlet-i mezkûre münhall ve o havâlî ahvâline vâkıf bir zâtın Cerdeci olması muhtâr-ı erbâb-ı ʿakd ü hall olduğuna binâ'en, Dergâh-ı ʿâlî kapucu-başılarından Yenişehirli Mûsâ Bey birkaç defʿa Trablus bekāyâsına me'mûriyyetle irâ'e-i yed-i beyzâ ve tahsîl-i emvâl ve vukūf-1 ahvâlde [Ü1 9a] yektâ olduğu taraf taraf mesâmiʿ-i evliyâʾ-i devlete ilkā olunup, bu ednâ mülâbese hatb-ı ʿazîm-i idâre-i Cerde'ye münâsebet-i tâmme ʿadd olunup, baʿzı şurût ile Eyâlet-i Trablus inzımâm-ı câh-ı Vezâret'le gurre-i Rebîʿulâhır'da mîr-i mûmâ ileyhe tevcîh ü ʿinâyet ve tekmîl-i esbâb-ı Vezâret [Ü2 9b] akabinde bahran sûy-ı maksûda ʿazîmet eyledi.