Sadr-ı cedîd hazretlerine üç günden sonra hatt-ı hümâyûn vürûdu deydene-i [Ü2 9a] kadîme-i Devlet-i ʿaliyye'den olmağla, selefinin rehâveti ve ru'yet-i umûrda ʿadem-i liyâkati bastıyla bi'l-cümle ricâl-i devlet ve erkân-ı Saltanat ile fîmâ-baʿd yek-laht-ı ittihâd olarak tesviye-i şü'ûn-i devlet ve te'diye-i hutûb-ı Saltanat kılınması vesâyâsını muhtevî şeref-rîz-i sudûr olan hatt-ı hümâyûn cümle müvâcehesinde feth ü kırâ'at ve mefhûm-i münîfi cümleye iʿlân ü işâʿat kılunup, ʿArz Odası'nda müctemiʿ olan zevât duʿây-ı bekāy-ı câh ve satvet-i Şâhâne'yi resîde-i tâk-ı mukarnes-i revâk-ı semâvât eylediler.