Melek Paşa-zâde Sâlih Bey'in mansıbı olan Kapucular Kethudâlığı, pederinin mesned-i Sadâret'de bekāsına bâz-beste olup, müşârun ileyhin infisâli mahdûmuna sirâyet [Ü1 8b] ile mûceb-i inhilâl-i râbıta-i ikbâli olmağla, binâ'en-ʿalâ-zâlik şehr-i mezkûrun yirmi yedinci günü Kapucular Kethudâlığı'yla Mîrâhûr-ı Sânî olan Zühdî İsmâʿîl Bey dest-zen-i şevk-ı gûnâ-gûn ve anın mansıbı ile Sakızlı Mehmed Ağa dehen-bâz-ı şükr-i Hudâ-yı bî-çûn oldu.