Cerde Başbûğu ve Trablusşâm Vâlîsi olan Vezîr Giridî Hüseyin Paşa umûr-ı Cerde'yi kemâ-yenbagī idâre vü îfâ ve hıtâm-ı hıdmeti verâsında ʿâzim-i dâr-ı ʿukbâ olduğu, müjdeci Çukadar ile Şâm Vâlîsi Vezîr Cezzâr Ahmed Paşa tarafından evâhır-ı Safer'de inhâ ve Gedikpaşa kurbünde bir çörekçi fırınından âteş-i serkeş hüveydâ olup, birkaç hâne ve dükkân ihrâkıyla karîn-i intıfâ oldu.