İşbu Muharremü'l-harâmın dokuzuncu Salı günü tertîb-i Dîvân ve bi'l-cümle kapukullarının müstehakk oldukları bir kıst mevâcibleri iʿtâ vü ihsân olunup, on birinci Pençşenbih günü Sadrıaʿzam hazretleri sipâh ve Silahdâr mevâcibini Bâb-ı ʿâlî'de devr eyler iken, taraf-ı zâhirü'ş-şeref-i Mülûkâne'den teşrîfât-ı seniyye zuhûr ve hatevât-ı tebcîl ile baʿde'l-istikbâl berârende-i teşrîfât-ı hümâyûnu ilbâs-ı hilʿat-ı semmûr ve hıdmet-i ʿadî iʿtâsıyla nâ'il-i hubûr eyledi.