İşbu Çehârşenbih günü gurre-i Şevval sübût bulup, gecesi erkân-ı devlet bi-ecmaʻihim Serây-ı hümâyûna rûmâl-i ‘azîmet ve ‘alâ-ihtilâfi tabakātihim dâmen-bûs-i hazret-i Şehriyârî'yle nâyil-i şeref ü ‘izzet oldular. Kable'l-muʻâyede Nakībüleşrâf olanlar huzûr-ı mekârim-mahsûr-ı Şâhâne'de dest-güşâ-yı duʻâ olmak kānûn-ı kadîm olup, birkaç günden berü Nakīb Efendi bîmâr ve muʻâyedeye gelmediği istihbâr olunup, Şerîf Efendi-zâde niyâbeten emr-i duʻâya kıyâm etmek lede'l-istîzân taraf-ı Fetvâ-penâhî'den ilz olunduğu Efendi-yi mûmâ ileyh hakkında berâʻatü'l-istihlâl vâki‘ olup, inhilâl vukūʻuna irâde-i hazret-i Müteʻâl teʻalluk eylediği hâlde mansıb-ı şerîf-i Nekābet ile pâ-nihâde-i merkez-i ikbâl olacağı istidlâl olundu.