Mebde-i ‘âlemden bu âna gelince zûhur eden Hâricîler bidâyet-i hâllerinde tasallüb ü taʻassub işâʻasıyla kârlarına revâc verüp, erbâb-ı ihtiyâc ve ‘avâmm-ı nâsı mesleklerine muhâlif ‘add etdikleri tavâyif üzerine taslît ve istibâhe-i emvâl ve sâyir esbâb-ı iltizâz ile taglît ve müddet-i mukaddereleri kadar etrâf u eknâfa ilkā-yı şerr ü şûr edegeldikleri mukarrer, [mısra]: Ve-mâ min-yedin illâ-yedûllâhi fevkahû mefhûmu üzere çok geçmeden o makūle bugāt mazhar-ı saht-ı Hakk ve sâyir küştegân-ı sevâlif-i ezmâna mülhak [200a] olacakları muhakkakdır.