Bâbü's-selâm'dan muvâcehe-i şerîfeye varınca tarafeynde vâki‘ a‘mideden on yedi kıt'a aʻmide ki zevvâr-ı zevvâr-ı Ravza-i mutahhara'nın ibtidâ rü'yet ü mürûr eyleyecekleri [187b] mahalde vâki‘dir, kezâlik kâşîleri fersûde olup, bâlâda zikr olunan a'mide gibi musaykal u mücellâ ‘amûdlar ile istîʻâb ve baʻzı mahallerini zer-hall ü sıbğ ile zînet-yâb etmek mûceb-i tezâʻuf-i ecr ü sevâb olacağı mukaddemâ inhâ vü tezkîr olunmadığına binâ'en, pes-mânde-i hayyiz ü te'hîr olduğunu baʻzı mevsûkü'l-kelâm kimesneler takrîr etmeleriyle zikr olunan aʻmide cüz’-i mesârif ile mevki‘-resân-ı hüsn-i nizâm olacağı zâhir ve bi-fazlihî Teâlâ bu eser-i hayra dahi Şehriyâr-ı sütûde-me’âsir hazretleri neyl ile iktisâb edecekleri mesûbât-ı uhreviyye mütekâsir olacağı emr-i bâhirdir.