Kapudân-ı deryâ Vezîr Hüseyin Paşa evvel behârda Donanma-yı hümâyûn ile sevâhil-i Bahr-ı sefîd'i [182a] muhafazaya meʼmûr olmuşidi. Zâtında merkûz olan cevher-i şecâʻat iktizâsıyla Akdeniz'i gezend-i lüsûs-ı bahriyyeden muhafaza eyleyerek boğaza geldiği ihbâr ve hulûl-ı mevsim-i șitâ hasebiyle Âsitâne'ye 'avdeti zımnında fermân ısdâr olunup, imdâd-i Mürselü’r-riyâh ile Asitâne'ye lenger-endâz-ı vürûd ve işbu şehr-i Rebîʻulevvelin on sekizinci Pençşenbih günü ber-mu‘tâd kadîm alay gösterüp, Huzûr-ı hümâyûn'da telebbüs-i hilʻat-i zâhire ile nâyil-i nevâziş-i nâ-ma'dûd oldu.