Sadrıa‘zam Kethudâsı olan el-Hâc Mehmed Hakkı Beyefendi altı mâhdan berü celb-i erzâk zımnında etrâf ile münâkaşa ve hıdemât-ı sâyire-i Devlet ber-vefk-i dil-hâh-ı rü'yet olunmak sûretinde erbâb-ı hall ü ‘akd ile münâveşe eylediğine binâʻen, nâs ile ‘adem-i ihtilât u iştibâkı müştehir ve bu sebeble zücâc-ı i‘tibârı münkesir olduğundan fazla, rızâ-yı hazret-i Sadr-ı ‘âlî'ye mugāyir baʻzı etvârı hâricden vâsıl-ı sem‘-i hazret-i Tâcdârî olup, binâ’en-‘alâ-zâlik işbu şehr-i Rebî‘ulevvel'in sekizinci isneyn günü Mîr-i mûmâ ileyh Kethudâlık mesnedinden tezyîl ve Dergâh-ı ‘Alî kapucu-başılarından olup, fart-ı zekâ ile tahsîl-i rızâ ihtimâli verilan el-Hâc Ebû Bekir Ağa hıdmet-i mezkûre ile tebcîl ve dâyire-i ihtibâr u tecribeye nakl u tavsîl olundu.