Eyâlet-i Trabzon ehâlîsi ‘an-asl huşûnet-tıbâ‘ erbâbından olup, zabt u rabtları kavîyyü'l-iktidâr vüzerâya muhtâc olduğuna binâ'en, Haleb Vâlîsi Kelleci ‘Osmân Paşa Yeniçeri Ağalığı'ndan neş'et edüp, Trabzon ehâlîsi dahi Yeniçerilik iddiʻâsıyla şöhret vermeleriyle, miyânede cihet-i câmi‘a bulunduğundan fazla, Sivas Eyâleti ber-vech-i ilhâk tarafına tevcîh olunduğu hâlde kesb-i kuvvet-i zâyide etmek melhûz olduğundan, işbu Şa‘bân-ı şerîfin on birinci günü Trabzon'da ikāmet şartıyla eyâleteyn-i mezkûreteyn ile müşârun ileyh mükerrem ve Haleb Eyâleti'yle Vezîr Feyzî Süleymân Paşa hurrem oldu.