Kānûn-ı cedîde merbût olan ocağlardan Topçu ve Arabacı ocağlarına müceddeden kışlalar binâsı matlûb-ı hazret-i Cihân-dârî olup, Tophâne etrafında vâki büyût u mesâkin bi't-terâzî ashâbından iştirâ olunup, gerek topçular ve gerek lüzûm-ı ittihâd-ı mekân ile arabacılara kışlalar binâsına mübâderet ve vaz‘-1 esâs olunup, bir müstakīm kimsenin me’mûriyyeti dahi muktezâ olduğuna binâ’en, işbu Şaʻbânü'l-muʻazzam'ın sekizinci günü hâcegân-ı Dîvân-ı hümâyûn'dan Yenişehirli Mustafa Efendi Binâ Emîni nasb u taʻyîn olundu.