Yevm-i mezkûrda sâʻat-i nehârî ikide iken Odun Kapusu dâhilinde vâki‘ helvacı dükkanından bi-kazâʼillâhi Teʻâlâ zebâne-keş olan âteş imdâd-ı rûzgâr ile şerâre-bâş-ı çâr-cihet olup, Ağa Kapusu kurbunda vâki‘ Dökmeciler ve Tahtakale'nin iki tarafını Mercân Çarşusu'nu ve Tarakçılar ve Uzun Çarşu'yu ihrâk ve kâffe-i nâsı ser-fürû-bürde-i hâmûş u itrâk edüp, on sekiz sâʻatden sonra âbyârî-yi fazl-ı Perverdı-gârî ile muntafî ve civârda vâki‘ ‘umûm halka ‘ârız olan iztırâb-ı kulûb müntefî oldu.