Kethûdâlık mesnedinde bir müddetden berü müstahdem olan Reşîd Mustafâ Efendi rızâ-yı devâm-ı iktizâ-yı hazret-i Âsâfî'ye muvâfık a'mâle muvaffak olmadığından, işbu Muharremü'l-harâm'ın yigirmi altıncı günü maʻzûl ve ol câh-ı refî ile Baş-muhasebeci olan el-Hâc İbrâhîm Efendi nâyil-i eʻazz-i me'mûl olup, münhall olan Muhasebe-i Evvel mansıbı maʻzûl-ı [146b] müşârun ileyhe teklîf ve hazeran 'an-isabeti'l-'ayn âhara sarfını ta'rîf etmekle kurbuna 'atf evlâ olmak kāʻidesisyle Riyâset'den munfasıl es-Seyyid ‘Abdullah Efendi'ye telhîs ve mûcebince mansıb-ı merkūm mûmâ ileyhe tevcîh ü tahsîs olundu.