Mesned-i Meşîhat'ten sebeb-i ʻazl ü tenzîli bâlâda tafsîl olan Hamîdî-zâde Efendi'nin seng-i fart-ı teʻaddîsinden zücâc-ı mizâc-ı ʻulemâ münkesir ve bu sebeble meşreb-i ʻazb-ı hazret-i Tâcdârî hakkında mütegayyer olduğundan gayri, Müfti'l-enâm-ı vakt cenâblarına li-garazin sevk eylediği mâdde-i iclâ "Men-hafera li-ahîhi kalîben evkaʻahullâhü fi-hi karîben" medlûlü üzere hakkında rû-nümâ ve ʻâlem-i mücâzât, nazm: Ez-mükâfât-ı ʻamel gāfil meşev, Gendom-ez-gendom be-revîd cevz-i-cev. ahkâm-ı garîbesini icrâ edüp, şeref-yâfte-i sudûr olan hatt-ı hümâyûn mûcebince Mağnisa'ya tagrîb, ne nîş-i takrîʻiyle dil-rîş olanlar bu sebeble tatrîb olundu.