Bundan akdem Beylikçiliğinden bi'l-fiʻl mesned-i Riyâset'i tezyîn ve baʻdehû Ordu-yi hümâyûn'an celb ile Asitâne'de hatab-ı cesîm-i Riyâset'i idâreye taʻyîn ve Ordu-yi hümâyûn Âsitâne'ye geldikden sonra Çavuş-başılık hıdmetiyle Bâb-ı âlî'de ibkāsı tasvîb ü tahsîn olunan Mehmed Râşid Efendi'nin evzâʻ vü etvârı mücerreb ve ahlâk u efâli mühezzeb olduğuna binâ'en hakk-ı sarîhi olan mesned-i Riyâset'de istihdamı elzem ü evceb olduğu maʻlûm-ı Pâdişâh-ı felâtun-meşreb [143b] olmağla işbu Muharremü'l-harâm'ın on dokuzuncu günü es-Seyyid ‘Abdullah Efendi maʻzûl ve Efendi-yi müşârun ileyh hıdmet-i mezkûreye mevsûl oldu.