Kahveci-başı-yı sabık Hüsâm Ağa'nın îrâd-ı tabîʻîsi müstevfî ve ‘akl u rüşdü müsellem-i erbâb-ı ‘ukūl u hicâ olduğundan fazla ahvâl-i ‘âleme vakıf ve mizâc-ı devlete 'ârif ve saht-ı hakdan hâyif olup, rütbe-i Vezâret'e istihkāk u ehliyyeti ve eyâlât u elviye tasarrufuna kābiliyyeti mersûm-ı zihn-sâff-ı Hıdivv-i dirâyet-ittisâf olmağla, mâh-ı merkūmun on ikinci günü Ağa-yı mûmâ ileyh Kapu'ya da‘vet ve ‘arz-ı irâde vü keyfiyyet olundukda tâb-âver-i cülle-i saht-ı Vezâret olmayacağını beyân ve sarf u tahvîli zımnında müteşebbis-i dâmen-i ihsân olup, irâde-i kātıʻanın tagyîri hâric-i dâyire-i vüsʻ ü tâkat ve bu zuhûrât-ı gaybiyye hakkında mahz-ı lutf u ‘inâyet olduğu ifâde vü ifhâm ve lede'l-ilzâm hil‘at-i Vezâret ilbâsıyla mukayyed-i cerîde-i vüzerâ-yı iʻzâm kılındığından başka eyâlet-i Bosna ile ikrâm ve hakkında şîme-i mürû'et itmâm olundu.