Donanma-yı hümâyûn savletinden remîde ve mânend-i Mâridem berîde Manya dağlarında ermîde [141b] olan İzbandid keferesinin bi'l-külliyye istîsâli berren himmete mütevakkıf olduğundan, Mora Vâlîsi Vezîr Silahdâr Mustafa Paşa Kethudâsı'nı vâfir 'asker ile meʻmûr ve Manya reʻâyâsını tedbîr-i dil-pezîr ile i'ânet ü delâlete mecbûr edüp, iltikā-yı ferîkayn vukūʻunda kefere-i mersûmenin vâfiri kantara-i seyfden imrâr ve altmış nefer mikdârı beste-zencîr-i isâr ve sergerde-i dûzahiyân olan Lambro ve eceli gelmemiş kefereden ekall-i kalîl Çuka Adası tarafına firâr eyledikleri haberi Vezîr-i müşârun ileyh tarafından maʻrûz-ı Der-bâr-ı ‘atûfet-medâr oldu.