Müntezihât-ı İslâmiyye'den Kağıdhâne'de vâki' kasr-ı dil-keş ve kâşâne-i mînû-veş müştemilâtıyla müşrif-i harâb ve mecrâ-yı nehr-i Sa‘dâbâd mâl-â-mâl-i hâşâk ü türâb olup, cery u seyelânı vaz‘-ı kadîminden dûn u ekall ve feyyâze-i selsebîl ü hiyâzı çeşme-i hûrşîde bedel olduğu ve zikr olunan mahall-i matbû‘ nüzhet-gâh-ı Şehriyâr-ı cihân-metbûʻ olduğundan fazla, aktâr-ı memâlikden Devlet-i ‘aliyye'ye vürûd eden vüfûdun resm ü ziyafetleri fî-ekseri'l-evkât mevzi‘-i merkūmda cârî ve bâ- husûs müceddeden îcâd olunun muʻallem ‘askerin câ-yı âzmâyiş ü imtihânı olup, etrâf u eknâfının indirâsı muhâlif-i tab‘-ı Cihândârî olmağla, taʻmîr ü binâ ve mecrâ-yı âbı istısfâ olunmak bâbında sâdır olan hatt-ı hümâyûn mûcebince keşf ü tahmîn ve hâcegân-ı Dîvân-ı hümâyûn'dan Tâhir Efendi fî'l-hâl Bînâ Emîni nasb u taʻyîn olundu.