Sâbıkā Mekke Kadısı İshak Efendi-zâde Ahmed Muhtâr Efendi bi-hasebi't-tarîk İstanbul Kadısı [141a] olmak ve kādîlık âhar tahvîl olunduğu takdîrde pâye ile tesliyet bulmak ümmîdinde iken, tehallüf-i matlabeyn ile magmûm ve ebnâ-yı tarîkin teşvîr-i harâretiyle sabr u ârâmı ma‘dûm olup, dâd-hâh olarak Dergâh-ı muʻallâ-penâh'a ref-i ruka‘-i tazallüm ve zâten da‘vâ-yı kābiliyyet ü tekaddüm edüp, mugāyir-i resm-i edeb vukūʻ bulan vaz‘ u hareketi mürebbî-yi sebük-magzân-ı zemân olan Şehriyâr-ı bülend-menzilet'i perçîn-i gazab edüp, fî'l-hal Efendi-yi mûmâ ileyh Burusa'ya tagrîb ve bu vesîle ile bî-edebân-ı tarîk terhîb olundu.