Müfti'l-enâm Şeyhulislâm olan Mekkî Mehmed Efendi ‘âlim ü fâzıl, ‘âkil u kâmil bir zât-ı sütûde-şemâyil olup, ancak zimâm-ı ihtiyârı müsellem-i eyâdî-yi bîgâne ve hall u ‘akd-ı umûr-ı Meşîhat vâbeste-i idâre-i müteʻayyînân-ı zemâne olup, hüsn-i müdafaʻada kudreti meslûb ve za‘f-1 pîrî ve tekādüm-i ‘ahd ile zahmet-keş-i nüzûl ü rükûb olmağla, makām-ı mezkûra mücerrebü'l-etvâr ve marzıyyü'l-âsâr bir zât-ı pesendîde-efʻâlin takrîbi ile ihyâ-yı resm-i tarîk ve muhafaza-i hadd-i cedîd ü ‘atîk, pîrâmen-güzâr-ı hâtır-ı Şehriyâr-ı bâhirü't-tevfik olmağla, binâ-berîn Şeyhulislâm-ı esbak Dürrî-zâde Mehmed ‘Ârif Efendi ol câh-ı refî ve ol makām-ı hatîr ü menî‘a bu defa dahi lâyık u sezâvâr görülüp, işbu Zilka‘de'nin yigirmi ikinci günü Mekkî Mehmed Efendi mesned-i Fetvâ'dan tenzîl ve müşârun ileyh hil‘at-i pür-behcet-i Meşîhat-ı İslâmiyye ile tebcîl olundu.