Ordu-yi hümâyûn'un Şumnu meştâsına duhûlü mukaddemâ ‘atebe-i 'ulyânın ‘arz u takdîm olunduğuna binâ'en tavâyif-i ‘askeriyyenin iki kıst mevâcibleri Hazîne-i hümâyûn'dan ihrâc olunup, teşrîfât-ı seniyye ile meştâ-yı Şumnu'ya irsâl olunması husûsuna irâde-i Şâhâne te‘alluk edüp, hıdmet-i mezkûre hâlâ Silahdâr-ı Hazret-i Şehriyârî 'Abdullah Ağa'nın mahmûl-i dûş-i himmeti kılınup, işbu Cumâdelûlâ'nın on sekizinci günü Ağa-yı mûmâ ileyh meştâya vâsıl ve hâmil olduğu hatt-ı hümâyûn Sadrıaʼzam tarafından hatavât-ı tebcîl ile istikbâl ve ‘alâ ru’ûsi'l-eşhâd kırâʼat olunup, mefhûm-ı münîfi maʻlûm, eʻâlî vü esâfil ve ihsân olununan bir sevb-i [123a] semmûr, zîver-‘âtik-i i’tibâr ve bir kabza hançer-i süreyyâ-cevher, arâyiş-i miyân-bend-i ‘izz ü vakār-ı Sadr-ı ‘âlî-mikdâr olup, sunûf-1 ‘askeriyyeye muhtass olan idrârât-ı hazret-i Şehriyârî dahi tevzîʻ ve bu sebeble ocağlunun dâyire-i maʻîşetleri tevsîʻ ve birkaç günden sonra Ağa-yı mûmâ ileyh rû-be-râh-ı Dergâh-ı refîʻ oldu.