Kalas karibinde isâre-i gubâr-ı mekr ü ihtiyâle berçîde-dâmen ü sâk ve maraz-ı gûnâ-gûn ile pâ-der-rikâb sû-yi hamîm ü gassâk olan Feldmareşal Potemkin'e baʻzı hedâyâ irsâli celb-i hâtırına vesîle ve maslahatın hüsn-i hıtâmına zerîʻa olacağı Sadrıaʻzam tarafından fikr ü mülâhaza olunup, zemîni yeşim ser-â-pâ elmâs ile müzeyyen bir kıt'a gayret kuşağı ve bir boğçe akmişe-i mütenevviʻatü'l-ecnâs tertîb ve Rûsiyye sergerdesi olup, esâs-ı sulh müzakere olunan Rebnin nâm cenerale ve Tuna'da olan Rûsiyye Donanması'nın Kapudanı'na dahi baʻzı hedâyâ gönderilmesi tasvîb olunup, Ordu-yi hümâyûn'da Teşrîfâtî olan el-Hâc Mustafa Efendi ile zikrolunan hedâyâ irsâl ve tebliğ ü îsâl husûsunda isti‘câl olundu.